Taraz qalalyq qurylys bóliminiń basshysy úsh jylǵa sottaldy

<p>№2 Taraz qalalyq soty Taraz qalasy qurylys bóliminiń basshysy Erjan Babaqulovqa qatysty sot sheshimin jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Erjan Babaqulovqa QR Qylmystyq kodeksi 366-babynyń 2-bóligi boıynsha aıyp taǵylǵan bolatyn. Atalǵan bap aıyptalýshynyń múlkin tárkilep, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, paranyń elý eselengennen alpys eselengenge deıingi somasy mólsherinde aıyppul salýǵa ne úsh jyldan jeti jylǵa deıingi merzimge bas bostandyǵynan aıyrýǵa jazalanady.

«Sot otyrysy barysynda prokýror aıyptaýdy 190-baptyń 3-bóliginiń 2-tarmaǵyna (alaıaqtyq) ózgertýdi surady. Sot sheshim shyǵarǵan kezde sottalýshynyń shyn júrekten ókinýin, onyń kámeletke tolmaǵan balalarynyń bolýyn jáne memleketke keltirilgen zalaldy óteý faktisin nazarǵa aldy. Nátıjesinde Erjan Babaqulov jasaǵan qylmysy úshin úsh jylǵa bas bostandyǵynan aıyrylyp, sot zalynda qamaýǵa alyndy. Oǵan tıesili iPhone 13 PRO telefony men Ritmix radıosy memleket paıdasyna tárkilendi. Sot sheshimi zańdy kúshine engen joq. Apellıatsııalyq shaǵym berildi», – delingen Jambyl oblystyq sotynyń baspasóz qyzmeti taratqan habarlamada.

Buǵan deıin Tarazda kóligimdi órtedi dep oblys ákiminiń orynbasaryna jala japqan Nurlan Qanatov 3,5 jylǵa sottalǵanyn habarlaǵan bolatynbyz.