Taraz birneshe memlekettiń ortalyǵy bolǵanyn kópshilik bile bermeıdi- ákim

NUR-SULTAN. QazAqparat - Jambyl oblysynda týrızm salasyna ınvestıtsııa tartý boıynsha aımaqtyq karta bekitildi. Bul týraly Ortalyq kommýnıkatsııalar qyzmetinde ótken brıfıngte Jambyl oblysynyń ákimi Asqar Myrzahmetov aıtty, dep habarlaıdy QazAqparat tilshisi.

Aımaqtyq kartaǵa 33 týrıstik nysan engizilip, 12 týrıstik baǵyt aıqyndalady.

«Qazaq handyǵynyń 550 jyldyǵyn atap ótken kezde eki hanǵa qoıylǵan eskertkish qazaq handyǵynyń taqyrybyn ashpaıdy. Osy taqyrypty keńinen ashý úshin sol eskertkishtiń artqy jaǵynan qazaq tarıhyn aýqymdy, júıeli kórsetetin arnaıy oryn kerek. Múmkin ol murajaı nemese basqa keshen. Qazir ol jaǵy jobalanýda», - deıdi Asqar Myrzahmetov.

Onyń aıtýynsha, bolashaqta týrızmdy damytatyn nysandar salynady.

«Onyń biri – «Tarıh taný ortalyǵy», ekinshisi «Shahrıstan» etnomádenı kesheni. Ol jerde jıyrma ǵasyrlyq tarıhymyz tasqa jazylady. Taraz - birneshe memlekettiń ortalyǵy bolǵanyn ekiniń biri bile bermeıdi. Ashylatyn nysandardyń bári týrızm salasyn damytýǵa yqpal etedi», - deıdi ol.