Taraýyq namazyn ár adam óz úıinde oqıdy – Almatynyń bas ımamy

ALMATY. QazAqparat – Bıyl eldegi tótenshe jaǵdaıǵa baılanysty Ramazan aıynda meshitte taraýyq namazy oqylmaıdy, aýyzashar dastarhany jaıylmaıdy. Almaty qalasy ortalyq meshitiniń bas ımamy Erkinbek Shoqaı brıfıng barysynda osylaı aıtty, dep habarlaıdy QazAqparat tilshisi.

«Bas múftı Dinı basqarmanyń qaramaǵyndaǵy ǵulamalar keńesiniń sheshimimen bıyl jamaǵattardyń jáne otbasylarynyń amandyǵy úshin beretin jyldaǵy pitir-sadaqanyń mólsherin jan basyna shaqqanda 370 teńge dep bekitti. Alaıda keıbir azamattarymyz otbasym úshin kóbirek beremin dep nıet etip jatsa odan artyq bere berýine bolady», - dedi Erkinbek Shoqaı.

Sonymen qatar, ol eldegi tótenshe jaǵdaıǵa baılanysty jamaǵattyń meshitke kelýine tyıym salynǵanyn aıtty.

«Bıylǵy Ramazan aıyndaǵy taraýyqh namazdy ár adam óz úıinde oqıdy. Meshitke kelýge bolmaıdy. Bul ózimizdiń qaýipsizdigimiz úshin qajet. Sol sııaqty aýyzashar dastarhandaryn da otbasymen birge ótkizgen abzal. Bıyl Qadir túni 19 mamyrdan 20 mamyrǵa qaraǵan túni dep bekitildi. Búgingi kesh Ramazanyń alǵashqy kúni bolyp esepteledi. Osy sebepti musylman jamaǵaty búgin keshke taraýyq namazyn oqıdy. Nıetterińiz qabyl bolsyn», - dedi Almaty qalasy ortalyq meshitiniń bas ımamy Erkinbek Shoqaı.