Taraýyq namazy meshitterde jamaǵatpen oqylmaıdy - QMDB
15:38, 14 Sáýir 2020
NUR-SULTAN. QazAqparat – Árkim taraýyq namazyn óz shańyraǵynda otbasy múshelerimen oqýy kerek. Bul týraly Bas múftı Naýryzbaı qajy Taǵanuly málim etti, dep habarlaıdy QazAqparat tilshisi.
«Qazaqstan musylmandary dinı basqarmasy elimizdegi tótenshe jaǵdaıǵa baılanysty qasıetti Ramazan aıynda indettiń taralýynyń aldyn alý maqsatynda, karantın merziminde taraýyq namazy meshitterimizde jamaǵatpen oqylmaıtynyn málimdeıdi. Árkim taraýyq namazyn óz shańyraǵynda otbasy múshelerimen oqýyna keńes beremiz. Biz osylaı oqshaýlaný arqyly juqpaly indetti jeńemiz», - dedi Bas múftı Ortalyq kommýnıkatsııalar qyzmetindegi brıfıngide.
Budan buryn habarlanǵandaı, Naýryzbaı qajy Taǵanuly bıyl elimizde Ramazan aıy 24 sáýir kúni bastalatynyn aıtty.