Tanysyn baltalap óltirgen Túrkistan oblysynyń turǵyny 9 jylǵa sottaldy

TÚRKІSTAN. QazAqparat - Túrkistan oblysy qylmystyq ister jónindegi mamandandyrylǵan aýdanaralyq sotynda kisi óltirý faktisi boıynsha qylmystyq is qaraldy, dep habarlaıdy QazAqparat tilshisi.

Oqıǵa bıylǵy jyldyń naýryz aıynda bolǵan. Іshimdik ishken eki turǵynnyń is-áreketi adam ólimimen aıaqtaldy.

Kúdikti uıyqtap jatqanda balta ustap kelgen jábirlenýshi ony soqqyǵa jyǵyp, aǵash sabymen qylqyndyrǵan.

Sodan kúdikti qolyna ilingen qaıshyny jábirlenýshiniń qolyna tyǵyp, baltany kúshtep tartyp alǵan.

Qarsylasynyń bas tusynan baltanyń júzimen birneshe ret soqqy jasaıdy. Aýyr dárejeli dene jaraqatynan jábirlenýshi sol jerde mert bolǵan.

«Sottalýshy kinásin tolyq moıyndady. Sot úkimimen sottalýshyǵa QR QK 99 baby 1-bóligimen 9 jylǵa bas bostandyǵynan aıyrý jazasy taǵaıyndaldy. Qylmystyq-atqarý júıesiniń qaýipsizdigi ortasha mekemesinde óteý belgilegen. Úkim zańdy kúshine engen joq» - delingen Túrkistan oblystyq sotynyń baspasóz qyzmeti taratqan aqparatta.