Tanymaıtyn qyzdy alyp qashqan aqtóbeliktiń appelıatsııalyq shaǵymy qanaǵattandyrylmady

AQTÓBE. QazAqparat - Aqtóbede qalyńdyǵymen urysyp qalǵan 21 jastaǵy Sanat Ómirzaqov ózge qyzdy alyp qashpaq bolǵany úshin sottaldy. Appelıatsııalyq shaǵym túskenimen, úkim ózgerissiz qaldy, dep habarlaıdy QazAqparat tilshisi.

Qalyńdyǵymen bir mámilege kele almaǵan Sanat Ómirzaqov janyna dosy Aldabergen Jumajanovty ertip, bazar ishinde tanymaıtyn qyzdy alyp qashpaq bolǵan.
Buǵan deıin habarlaǵanymyzdaı, Qylmystyq kodekstiń «adam urlaý» baby boıynsha is qozǵalyp, ashyq sot otyrysy ótti. Aıyptaý qorytyndysyn oqyǵan prokýror Asylhan Sársenbaev sot-medıtsınalyq saraptama kezinde 20 jastaǵy jábirlenýshiniń eki ıyǵy qantalaǵanyn, densaýlyqqa jeńil zııan keltirgenin jetkizdi. 
Sot otyrysy kezinde jábirlenýshi aıyptalýshylarǵa keshirim berip, jeńil jaza taǵaıyndaýdy surady. Kóp uzamaı sot úkimi shyǵyp, Sanat Ómirzaqov 4 jyl 6 aıǵa, Aldabergen Jumajanov 5 jylǵa sottaldy. Aqtóbe oblystyq sotynyń baspasóz hatshysy Ilıada Dosovanyń aıtýynsha, appelıatsııalyq shaǵym túsip, is qaralǵan. Sottyń alǵashqy úkimi ózgerissiz qaldyryldy.

Sot úkimi zańdy kúshine endi.