Tanymal jýrnalıst, medıamenedjer Batyr Qazybaev ómirden ozdy

NUR-SULTAN. QazAqparat – Elimizge belgili medıamenedjer Batyr Qazybaev qaıtys boldy, dep habarlaıdy QazAqparat.

Batyr Qazybaevtyń dúnıeden ozǵanyn QR Aqparat jáne qoǵamdyq damý mınıstri Asqar Ýmarov jetkizdi.

«Búgin otandyq medıa salasy aýyr qaıyrǵa ushyrady. Uzaqqa sozylǵan syrqattan myqty medıamenedjer, kásibı jýrnalıst, áriptesimiz Batyr Qazybaev dúnıeden ótti. Іri medıajobalardy júzege asyrǵan, otandyq jýrnalıstıkada ózindik qoltańbasy qalǵan, mektep qalyptastyrǵan áriptesimiz birazdan beri syrqat edi. Jaqyndaryna, «Alash medıa» ujymyna jáne jýrnalıst qaýymyna qaıǵyryp kóńil aıtamyn. Imany joldas bolsyn. Batyrdyń jarqyn beınesi bizdiń jadymyzda saqtalady», - dep jazdy mınıstr Facebook paraqshasynda.

Aıta keteıik, Batyr Qazybaev Tengrinews.kz, Vesti.kz, Massaget.kz, «Juldyz FM», «Retro FM Kazahstan» radıostantsııasy, STV, «Jetinshi arna» telearnasynyń negizin qalaǵan.

QazAqparat ujymy Batyr Qazybaevtyń otbasy men jaqyndarynyń qaıǵysyna ortaqtasyp kóńil aıtady.