Tanymal sportshylar el halqyn Naýryz meıramymen quttyqtady
Sportshylardyń vıdeojazbadaǵy quttyqtaýy QR Ulttyq Olımpıadalyq komıtetiniń Facebook-tegi paraqshasynda jarııalandy.
Grek-rım kúresiniń sheberi Demeý Jadyraev kún men tún teńelgen Naýryz meıramynda barsha Qazaqstan halqyna baq pen bereke tiledi.
Óz kezeginde shańǵyshy Anna Shevchenko elimizdegi ár otbasynda beıtshilik pen jaqsylyq bolýyna tilekshi ekenin jetkizdi.
«Osy keremet meırammen barsha Qazaqstan halqyn quttyqtaımyn. Jańa jylda jańa bastamalar bolsyn. Eshqashan moıymaı, tek alǵa jyljý kerek. Barshamyzda jaqsy kóńil-kúı bolsyn», - dedi belgili sportshy Denıs Ten.
Al dzıýdoshy Eldos Smetov jańa jylda jańa tabystar men jetistikterge jetip, elimizdiń abyroıy árqashan asqaqtaı berýin tiledi.
Sonymen qatar qazaqstandyqtardy merekemen Gıýzel Manıýrova, Aleksandr Zaıchıkov, Vasılıı Levıt, Dmıtrıı Reıherd, Denıs Kýzın, Fedor Mezentsev, Janbota Aldabergenova, Dmıtrıı Balandın, Alekseı Poltoranın, Abzal Ájǵalıev, Zarına Dııas jáne basqa da birqatar sportshylar quttyqtady.