Tanymal pıanınoshy Andrea Lýkkezını EKSPO-2017 kórmesinde kontsert beredi
15:35, 28 Naýryz 2017
ASTANA. QazAqparat - Italıandyq pıanınoshy Andrea Lýkkezını EKSPO-2017 alańynda óner kórsetedi, dep habarlaıdy QazAqparat «Astana EKSPO-2017» ulttyq kompanııasynyń baspasóz qyzmetine silteme jasap.
Kórnekti mýzykanttyń jalǵyz kontserti Qazaqstan Respýblıkasy Memlekettik akademııalyq sımfonııalyq orkestrimen birge 2017 jyly 2 shildede ótedi. Elorda turǵyndary men qonaqtary Lıýdvıga van Bethovendi Lýkkezınıdiń vırtýozdy oryndaýynda tyńdaı alady.
Andrea Lýkkezını Marıı Tıpodan tálim alǵan jáne óte jas shaǵynda La Skala teatrynda halyqaralyq konkýrsta jeńip shyǵyp, tanymaldylyqqa ıe bolǵan. Sodan beri álemniń úzdik orkestrlerimen jáne dırıjerlerimen birge óner kórsetip keledi.