Tanymal óner juldyzdary Ulttyq mýzeıge kelýshilerge arnaıy ekskýrsııa ótkizbek

ASTANA. QazAqparat - Qazaqstan Respýblıkasy Ulttyq mýzeıinde «Juldyzdy gıd» jobasy uıymdastyrylady, dep habarlaıdy murajaıdyń baspasóz qyzmetinen.

Shara Tuńǵysh Prezıdent kúniniń qarsańynda 26 qarashada Ulttyq mýzeıde ótedi. Jobanyń maqsaty - Ulttyq mýzeıdiń qoǵamdaǵy ımıdjin arttyra otyryp, tarıhy tereń muralarymyzdy, qundy jádigerlerimizdi nasıhattaý bolyp tabylady.

Sharada otandyq óner juldyzdary Ulttyq mýzeıge kelýshilerge arnaıy ekskýrsııa júrgizedi. Mýzeı qonaqtary ánshiler men aqyndardy ekskýrsııa júrgizýshisi retinde tanyp, ózderine qajetti aqparat alady.

«Juldyzdy gıd» jobasyna qatysýshylar - Qaraqat Ábildına, Qurmash Mahanov, Qalqaman Sarın, Klara Tólenbaeva, Marjan Arapbaeva, Dosymjan Tańatarov pen Gúlnur Orazymbetova. Árbir óner adamyna bir zaldy tanystyrý tapsyrylady. Shara sońynan juldyzdardyń kontsertin tamashalaýǵa bolady.