Tanymal qazaq zııalylary Oraza aıt merekesin atap ótti (FOTO)

ASTANA. QazAqparat - Oraza aıt merekesine oraı, Astanadaǵy Ulttyq akademııalyq kitaphanada qazaq zııalylary men qoǵamdyq qaıratkerleri bir dastarhan basynda bas qosty.

Sharaǵa jazýshy Ábish Kekilbaev, Myrzataı Joldasbekov, Ákim Tarazı, Ánes Saraı, májilis depýtaty Orazkúl Asanǵazy, Altynshash Jaǵanova, Roza Muqanova, Darhan Myńbaı, Serik Turǵynbek jáne ózgeleri qatysty.

"Búgin barsha musylman jurtqa qasıetti Oraza aıt merekesi keldi. Bir aı boıy ıman etkender aýyz bekitti. Sondyqtan Ramazan aıynyń aıaqtalýyna oraı, biz elge eleýli azamattarymyzdyń basyn qosyp, olarǵa dástúr boıynsha arnaıy dastarhan jaıdyq. Bizdiń aramyzda joq ataqty aqyn-jazýshylarǵa quran baǵyshtalady. Biz olardy taǵy bir eske aldyq", - deıdi Ulttyq akademııalyq kitaphana dırektory Úmithan Muńalbaeva.