Tanymal brıtandyq telearna Golovkınniń úzdik bes nokaýtyn kórsetti

ASTANA. QazAqparat -Ulybrıtanııa men Irlandııadaǵy «BT Sport» sporttyq arnalar toby qazaqstandyq boksshy Gennadıı Golovkınniń (38-0-1, 34KO) mansabyndaǵy eń mańyzdy TOP-5 nokaýtyn kórsetti. Bul týraly «Qazaqstannyń kásipqoı boksy» VKontakte áleýmettik jelisinde jazdy, dep habarlaıdy QazAqparat.

Tanymal resýrstyń pikiri boıynsha, Golovkın Domınık Ýeıd (2016), Gjegoja Proksa (2012), Mettıý Maklın (2013), Nobýhıro Isıda (2013) jáne Marko Antonıo Rýbıomen (2014) aıqastarynda qarsylastaryn nokaýtqa túsirip, jurtty tańǵaldyrǵan. 

Eske salaıyq, otandyq chempıon óziniń aldaǵy jekpe-jegine qyzý daıyndyq ústinde. 15 qyrkúıekte Golovkın T-Mobile Arena-da meksıkalyq boksshy Saýl «Kanelo» Alvareske qarsy ekinshi aıqasyn ótkizedi.