Tanystaryna jalaqy aýdarǵan, tenderdi ádil ótkizbegen —«ÓzenMunaıGaz» basshylyǵyn tergeý aıaqtaldy
10:31, 16 Qarasha 2023
<p>Qarjy monıtorıngi agenttiginiń Mańǵystaý oblysy boıynsha departamenti «ÓzenMunaıGaz» AQ basshylyǵyna qatysty sotqa deıingi tergeýdi aıaqtady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>
Tergeý barysynda «ÓMG» AQ bas dırektorynyń orynbasary B.Mambetsapaevtyń áreketi is júzinde jumys istemeıtin jáne negizsiz jalaqy alǵan tanystaryn jalǵan jumysqa tartý arqyly qyzmettik ókilettikterin asyra paıdalaný dep saralandy.
«ÓMG» AQ bas dırektorynyń taǵy bir burynǵy orynbasary E.Karamýrzaevqa uńǵymalardy jerasty jóndeý boıynsha zańsyz tender ótkizý arqyly, satyp alýǵa qatysqan basqa qatysýshylardyń múddelerine nuqsan keltirip, jekelegen kompanııalardyń múddelerin qorǵady degen aıyp taǵyldy. Keltirilgen shyǵyn kólemi 623 mln teńge.
Sonymen qatar, aldyn ala sóz baılasý arqyly senip tapsyrylǵan 294 mln teńgeni jymqyryp, talan-tarajǵa salǵan «ÓMG» AQ munaı-gaz óndirý basqarmasy dırektory men jetkizýshige aıyp taǵyldy.
Barlyq qylmystyq ister sotqa joldandy. QR QPK 201-babyna sáıkes ózge de aqparat taratýǵa jatpaıdy.