Tanystaryn «Mektepke jumysqa ornalastyryp beremin» dep aldap, aqsha alǵan áıel ustaldy

<p>TÚRKІSTAN. KAZINFORM &ndash;&nbsp; Túrkistan qalalyq Polıtsııa basqarmasynyń qyzmetkerleri alaıaqtyq jolmen qylmys jasaǵan áıeldi anyqtady.</p>

Kúdikke ilingen áıel eki birdeı tanysyna mamandyǵy boıynsha mektepke jumysqa ornalastyryp beretinin aıtyp, sendirgen.

Ol jábirlenýshilerden aldyn ala qyzmeti úshin bireýinen 1 mıllıon teńge, ekinshisinen 800 myń teńge kóleminde qarajat alǵan. Alaıda birshama ýaqyt ótse de, ýádesin oryndamaı ne aqshalaryn qaıtarmaǵan. Áıel alǵan aqshany bas paıdasyna jaratqan.

Polıtsııa qazirgi oǵan qatysty sotqa deıingi tergeý amaldary júrgizilip, istiń mán-jaıy anyqtalyp jatqanyn málimdedi.

Buǵan deıin Túrkistan oblysynda «Júrgizýshi kýáligin alyp beremin» dep alaıaqtyq jasaǵan er adamnyń isi áshkere boldy.