Tanysyn atyp óltirip, kóligin urlaǵan aqmolalyq izdestirilýde

<p>Aqmola oblysynda tanysyn atyp, kóligin urlap áketken 27 jastaǵy adamdy polıtsııa izdestirýde, dep habarlaıdy <a href="Kazinform" target="_blank" rel="noopener">Kazinform </a>tilshisi</p>

Aýmaqtyq PD baspasóz qyzmetiniń málimetinshe, qylmys 21 qarashada saǵat 01:30 shamasynda bolǵan.

- Makınsk qalasynyń 27 jastaǵy turǵyny óziniń tanysy, 23 jastaǵy jergilikti turǵyndy atyp óltirgeni anyqtaldy. Kúdikti qaza bolǵan adamnyń «Toyota Land Cruzer Prado 150» avtokóligin urlap, oqıǵa ornynan qashyp ketti. Qazirgi ýaqytta kúdiktini ustaýǵa baǵyttalǵan jedel – izdestirý is-sharalary júrgizilýde. Polıtsııa departamentiniń jeke quramy men kúshteri baǵdarlanǵan, - dedi PD baspasóz qyzmetinen.

Aıta ketsek, budan buryn Aqmola oblysynda zergerlik dúkendi tonaǵan qylmystyq top músheleri sottalǵanyn jazǵan edik.