Tanymal vaıner Meıirjan Tórebaev kolonııaǵa qaıtyp bardy

<p>ALMATY. KAZINFORM &mdash; Anasynyń syrqatyna baılanysty qysqa merzimdi demalys alǵan Meıirjan Tórebaev kolnııaǵa oraldy.</p>

«Sottalýshy M. Tórebaev 27 mamyrda kolonııaǵa oraldy, qazir mekemede jazasyn ótep jatyr»,- dep habarlady Pavlodar oblysy qylmystyq-atqarý júıesi departamentinen.

Buǵan deıin Meıirjan Tórebaevtyń jubaıy Dana Eseeva óziniń áleýmettik jelisinde onyń túrmeden shyqqanyn jazyp, vıdeosyn jarııalaǵan bolatyn.

Keıin Pavlodar oblysy qylmystyq-atqarý júıesi departamenti sottalýshy Meıirjan Tórebaevtyń nege úıine jiberilgenin túsindirdi.

Aıta keteıik, byltyr maýsym aıynda Meıirjan Tórebaev Qylmystyq kodekstiń 217-baby boıynsha kináli dep tanylyp, sot úkimine sáıkes, eń tómengi qaýipsizdik kolonııasynda bes jyl bas bostandyǵynan aıyrý jazasyna kesilgen bolatyn.

Osy jyldyń basynda vaınerler Meıirjan Tórebaev pen Meıirhan Shernııazov sotqa appelıatsııalyq shaǵym túsirdi.

Alaıda apellıatsııalyq sot vaınerlerge qatysty úkimdi ózgerissiz qaldyrdy.