Tanymal tennısshi ıAnko Tıpsarevıch Almatyda jas oıynshylarmen kezdesti

<p>ALMATY. KAZINFORM &ndash; Álemniń eks 8-raketkasy ıAnko Tıpsarevıch Almaty qalasynda jas tennısshilermen kezdesip, sheberlik saǵatyn ótkizdi.&nbsp;</p>

Serbııa quramynda 2010 jyly Devıs kýbogynyń jeńimpazy atanǵan ıAnko Tıpsarevıch Almatydaǵy Gorky Tennis Park, ACE jáne TsSKA tennıs ortalyqtarynda boldy. Ataqty tennısshi sheberlik saǵatynan keıin ata-analar aldynda Serbııadaǵy úzdik uıym – 2013 jyly qurylǵan óziniń akademııasyndaǵy bapkerlik jumystyń qaǵıdalary men ádistemesi jóninde áńgimelep berdi.

ıAnkonyń Qazaqstanǵa kelýdegi basty maqsaty – osyndaǵy jattyǵý barysyn kózben kórip, elimizdegi tennıstiń damýymen tanysý.

Foto: QTF

Tıpsarevıch pen onyń komandasy akademııasynda baı tájirıbege, jattyǵýlardyń kásibı júıesine negizdelgen joǵary sapaly baǵdarlama jasap shyǵardy. Baǵdarlama boıynsha qabilet deńgeıine qaramastan, uldar men qyzdardy tennıs negizderine, strategııasy men taktıkasyna, oıyn mashyqtaryna úıretedi. Qazaqstandaǵy úzdik jas talanttardyń biri, jasóspirimder arasynda álemniń 13-raketkasy Ámir Omarhanov Tıpsarevıch akademııasynda jattyǵady. 

Tanymal tennısshi 1-2 sáýirde Astanada bolady. 

Eske sala keteıik, budan buryn Elena Rybakınanyń Maıamı týrnıriniń fınalyna shyqqanyn jazǵan bolatynbyz. Sondaı-aq Rybakınanyń fınaldaǵy qarsylasy anyqtaldy.