Tanymal konkıshi qazaq qyzy qytaı chempıonyna turmysqa shyqpaq

<p>ASTANA. KAZINFORM &ndash; Arǵy bette turatyn qandasymyz Aqnár Ardaq Beıjińdegi XXIV qysqy Olımpıada oıyndarynda Qytaı eliniń atynan synǵa túsken bolatyn.</p>

Konkıshi qazaq qyzy sol Aq Olımpıadada erekshe sulýlyǵymen kózge túsken edi.

Ol osy dodadan keıin qazaq jankúıerlerine birden tanymal bolǵan edi.

Búgin Qytaıdyń aqparat quraldary qazaq qyzynyń Beıjińdegi XXIV qysqy Olımpıada oıyndarynyń chempıony Gao Tıngıýǵa turmysqa shyqqaly jatqanyn jarysa jazyp jatyr.

Aqnárdiń tańdaýy qytaı azamatyna túskeni áleýmettik jelilerge júktegen sýretterinen de kórinip tur.

Gao Tıngıý 2022 jylǵy Qysqy Olımpıada oıyndarynda konkı sportynan 500 metrge júgirýden chempıon atanyp qana qoımaı, álemdik rekord ornatqan bolatyn.

Sondaı-aq, Qytaı tarıhynda konkıden tuńǵysh Olımpıada chempıony degen ataqqa qol jetkizgen.

Foto: Aqnár Ardaqtyń Instagram paraqshasy

Aqnár Ardaq — qazaq qyzy. 1999 jyly 1 maýsymda Qytaıdyń Shyńjań-Uıǵyr avtonomııalyq ólkesindegi Qutybı aýdanynda dúnıege kelgen.

Konkımen júgirý sportyna short-trekten kelgen.

Qazirdiń ózinde kóptegen ulttyq jáne halyqaralyq jarystardyń júldegeri.

Esterińizge sala keteıik, Beıjiń Olımpıadasynda Aqnardan bólek taǵy eki qandasymyz Qytaı týy astynda synǵa túsken bolatyn.

Sol tusta qandastarymyzdyń qandaı orynnan kóringenin jazǵan bolatynbyz.

Sonymen qatar jalpy Qytaıdaǵy qandastarymyzdan Olımpıada oıyndaryna qansha sportshy qatysqanyn da habarlaǵan edik.