Tanymal faıter Qýat Hamıtov tasqyn sýdan zardap shekken halyqqa gýmanıtarlyq kómek jiberdi
Bul týraly tanymal jekpe-jek sheberi óziniń Instagram-paraqshasynda málimdedi.
«Allanyń razylyǵy úshin, ózimniń atymnan Atyraý oblysynda sý tasqynynan zardap shekken turǵyndarǵa gýmanıtarlyq kómek jiberdim. Qaı elde bolmasam da, halqymmen ár daıym birgemin», - dep jazdy sportshy.
Ol óziniń vıdeo úndeýinde eger elde bolsa tasqyn sýdan zardap shegip jatqan óńirlerge baryp, qyzmet etýge daıyn ekenin de atap ótti.
«Elde bolsam, Qulsaryǵa baryp qyzmet etýge bolatyn edi. Ókinishke qaraı, qazir shetelde daıyndyqta júrmin. Sondyqtan az bolsa da halqyma, elime paıdam tısin dep óz atymnan gýmanıtarlyq kómek jiberip jatyrmyn», - dedi Q.Hamıtov.
Sondaı-aq, ol tasqynnan zardap shekken basqa da oblystarǵa qolushyn berýge daıyn ekenin aıtty.
Aıta keteıik, Hamıtov qazirgi tańda Taılandta kezekti jekpe-jegine daıyndalyp jatyr. Ol 11 mamyrda tanymal reseılik faıter Aleksandr Shlemenkomen oktagonǵa shyǵady.
Hamıtov – Shlemenko arasyndaǵy jekpe-jek Ekaterınbýrg qalasynda ótedi.
Aleksandr Shlemenko sońǵy jekpe-jegin 15 jeltoqsanda Ekaterınbýrgte ótkizip, serb sportshysy Aleksandr Ilıchti nokaýtpen jeńgen bolatyn. Qazirgi ýaqytta orys sportshynyń qorjynynda 64 ret jeńis bolsa, 15 ret ese jibergen. Taǵy bir synda qarsylasymen teń tússe, bir jekpe-jegi ótpeı qaldy.
36 jastaǵy Qýat Hamıttiń enshisinde 24 jeńis, 8 jeńilis pen 1 teń nátıje bar.