Tanymal basketbolshy Lebron Djeıms Parıj Olımpıadasynyń jańa trıpl-dabl koroli atandy

<p>ASTANA. KAZINFORM &ndash; Lebron Djeıms tórtjyldyqtyń basty dodasy Parıj Olımpıadasynda erekshe jetistikke jetti. Bul týraly <a href="https://www.fiba.basketball/en/events/mens-olympic-basketball-tournament-paris-2024/news/new-king-lebron-first-player-with-two-olympic-triple-doubles" target="_blank" rel="noopener">Halyqaralyq basketbol federatsııasy</a> (FIBA) málim etti.&nbsp;</p>

AQSh quramasynyń juldyzy Lebron Djeıms Olımpıadanyń jańa trıpl-dabl koroli atandy. Basketbolshy mundaı nátıjege jartylaı fınalda Serbııaǵa qarsy oıynda qol jetkizdi. Bul – onyń Olımpıadadaǵy ekinshi trıpl-dably. 

AQSh quramasy matchtyń kóp bóliginde Serbııa quramasynan tómen boldy, tek Stefen Karrıdiń 36 upaıy men Lebron Djeımstiń «trıpl-dably» ony sátsizdikten qutqardy.

Nátıjesinde AQSh quramasy 95-91 esebimen jeńiske jetip, fınalǵa joldama aldy.

Lebron Djeıms 16 upaı jınady. 

39 jastaǵy Djeıms Aleksandr Belov (KSRO) pen Lýka Donchıchpen qosa (Slovenııa) Olımpıadada trıpl-dabl jasaǵan úsh oıynshynyń biri boldy. 

– Men únemi agressıvti oınaýǵa tyrysamyn. Alańda bar kúshimdi salamyn jáne meniń komandam maǵan erekshe senim artady, - dedi tanymal basketbolshy.