Tanymal aýyr atlet Ilıa Ilın súıinshi jańalyǵymen bólisti
14:00, 21 Aqpan 2024
<p>ASTANA. KAZINFORM – Qazaqstandyq tanymal aýyr atlet Ilıa Ilın áleýmettik jelidegi paraqshasynda halyqtan súıinshi surap, sábıli bolǵanyn jetkizdi.</p>
«Súıinshi! Qazaq eli! Tanıýsha ekeýmizdi qyzymyzdyń dúnıege kelýimen quttyqtaýǵa bolady. Qazaqstannyń jáne álemniń jańa azamaty Ilına Aılı Ilınıchna dep atalady. Bizde josparly kesarevo boldy, bári jaqsy ótti. Boıy - 50 sm, salmaǵy - 3 kg 178 g. Bizdi qoldaǵan jandarǵa alǵysymyz sheksiz. Senderdi qatty jaqsy kóremiz», - dep jazdy sportshy áleýmettik jelidegi paraqshasynda.
Aıta keteıik, bul Ilıa Ilınniń ekinshi nekesinen týǵan qyzy. Onyń alǵashqy áıeli qazaqstandyq gandbolshy Natalıa Kýlakova bolǵan. 2009 jyly erli-zaıyptylardyń Mılan esimdi qyzy ómirge keledi. Alaıda, 2017 jyly Ilıa men Natalıa ajyrasyp ketti.