Tanymal aktrısa Kúlásh Qajyǵalıeva ómirden ótti

<p>ALMATY. KAZINFORM - QR Eńbek sińirgen artısi, Eren eńbegi úshin jáne &laquo;Eńbek ardageri&raquo; medalderiniń ıegeri Kúlásh Qajyǵalıeva ómirden ótti. Bul týraly Ǵabıt Músirepov atyndaǵy Qazaq memlekettik akademııalyq balalar men jasóspirimder teatry habarlady.</p>

1969 jyldan bastap tynbaı eńbek etip, jemisti jumys istegen aktrısa B.Soqpaqbaevtyń «Meniń atym Qojasynda» – Janar, «Qyzyl suńqarlarda» – Marýar, Iran-Ǵaıyptyń «Qorqyttyń kórinde»  – Qamqa sheshe, Sh.Aıtmatovtyń «Ystyqkól tragedııasynda» – Kempir, «Aq kemede» – Kempir, S.Balǵabaevtyń «Qyz jıyrmaǵa tolǵandasynda» – Ǵanı, Á.Tarazıdiń «Jaqsy kisisinde» – Balzııa, O.Bókeıdiń «Ataý-Keresinde» – Marfa, «Aýyldan kelgen arýda» – Sándigúl, S.Balǵabaevtyń «Eń alǵashqy Jańa jylynda» – Áje, A.P.Chehovtyń «Shaǵalasynda» – Polına Andreevna jáne t.b. rólderdi sátti somdaǵan. 

– Ónerdiń ańyz, teatrymyzdyń abyz anasynan aıyrylý – orny tolmas úlken qaıǵy. Otbasy men týystaryna qaıǵyra kóńil aıtamyz, - dep habarlady teatrdan.