Tańǵy astaǵy jándik: Aqtóbedegi bóbekjaı-baqshasynda úsh qyzmetker jumystan shyǵaryldy

<p>AQTÓBE. KAZINFORM &ndash; Muǵaljar aýdany Samal bóbekjaı-baqshasynda botqa ishinen jándik shyǵyp, úsh qyzmetker jumystan shyǵaryldy. Qazir munda oblystyq bilim basqarmasynyń zerdeleý toby jumys istep jatyr.</p>

Muǵaljar aýdanynyń ortalyǵy Qandyaǵash qalasyndaǵy oqıǵadan soń oblystyq bilim basqarmasynyń jumys tobyn qurdy. 

— Búgingi kúni bul balabaqshanyń meńgerýshisi, medbıkesi, bas aspaz jumystan shyǵaryldy. Tańǵy as balalarǵa taratylǵan joq, berilgen joq. Tek quıyp, taratylar kezde anyqtaldy. Vıdeony kim túsirgeni anyqtalady. Ákelingen azyq-túliktiń jaramdylyq merzimi ótpegen. Bul jerde daıyn bolǵannan keıin ǵana anyqtalyp tur, — dedi Aqtóbe oblystyq bilim basqarmasy basshysynyń mindetin atqarýshy Nurgúl Bertileýova.

Aıta keteıik, bul balabaqshada 210 tárbıelenýshi bar. Munda bilim basqarmasy ǵana emes, Muǵaljar aýdandyq sanıtarııalyq — epıdemıologııalyq baqylaý basqarmasy tarapynan da tekserý jumystary bastaldy.