Tańbalaýdy engizýge baılanysty aıaq kıim qymbattaýy múmkin be

<p>Elimizde aıaq kıimge tańbalaý engizildi. Osy oraıda tańbalaýǵa qansha somada aqsha kerektigi aıtyldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Tańbalaý shyǵyndary turǵysynan mende egjeı-tegjeıli aqparat joq. Biraq dıstrıbıýtorlar, satýshylar úshin aıaq kıimdi tańbalaý salystyrmaly túrde arzanǵa túsedi. Órkenıetti saýdany júrgizýge tyrysyp, naryqqa múmkindik bereıik. Bizdiń negizgi mindet salyq túsimi, kedendik alymdar, taýarlardy satý naryǵy. Tutastaı alǵanda zań aıasynda jumys isteıtin ashyq naryq qurý», - dedi Ónerkásip jáne qurylys mınıstri Qanat Sharlapaev vedomstvoda ótken baspasóz máslıhatynda.

Sondaı-aq aıaq kıimdi tańbalaýǵa qatysty ónerkásip komıtetiniń basshysy Azamat Panaev túsinikteme berdi.

«Jalpy tańbalaý bólshek satýshylarǵa birqatar jabdyq satyp alýdy mindetteıdi. Bul skaner, quny shamamen 25 myń teńge, baqylaý markasynyń ózi shamamen 3 teńge turady. Jalpy, aıaq kıim ótken jyly 13%-ǵa qymbattady, biraq bul tańbalaýǵa baılanysty emes. Bul ınflıatsııamen baılanysty. Azyq-túlik emes taýarlar da qymbattady», - deıdi ol.