Tamyzdyń 3-inen bastap otandyq sút óndirýshilerdi qoldaýǵa baǵyttalǵan qaýly kúshine enedi
Oǵan sáıkes, sút jáne sút ónimderiniń qaýipsizdigine qatysty tehnıkalyq reglamentke sút ónimderin tańbalaý bóliginde ózgerister engizý qarastyrylǵan. Bul týraly búgin jýrnalıstermen bolǵan baspasóz máslıhatynda Aýyl sharýashylyǵy mınıstrliginiń Qaıta óńdeý ónerkásibin jáne agrarlyq azyq-túlik naryǵyn damytý departamenti dırektorynyń orynbasary Sháımerden Ahmetov málim etti.
Onyń sózine qaraǵanda, qazirgi tańda paıdalanylatyn sútti daıyndalý ádisin eki túrge bólýge bolady. Onyń biri, tabıǵı sút óńdelip arnaıy ydysqa quıylyp satylady. Ekinshiden, súttiń qaldyqtary qurǵatylyp, keıinnen qaıta qalpyna keltirilip satylady. Osyǵan qaraı burynǵy tehnıkalyq reglament talaptary boıynsha qurǵaq sútten daıyndalǵan ónimge «qalpyna keltirilgen sút» degen belgi qoıylatyn. Alaıda bul belginiń sút quıylǵan ydystyń qaı jerine qalaı jazylsa da báribir bolatyn. Oǵan eshqandaı talaptar qoıylmaıtyn. Nátıjesinde sút quıylǵan ydystyń joǵary nemese tómengi jaqtarynda, kóbine usaq
ári oqýǵa qıyn shrıftermen «qalpyna keltirilgen sút» degen belgi qoıý jaǵdaılary oryn aldy. «Bul degenińiz qalyń kópshilik qalpyna keltirilgen sútti tabıǵı sútten aıyra almaıdy degendi bildiredi. Osyny eskere otyryp, byltyrǵy jyly Kókshetaýda Elbasynyń qatysýymen Astana qalasynyń mańynda azyq-túlik beldeýin damytý boıynsha ótken keńeste, qurǵaq sútten daıyndalǵan ónimniń aıqyn tańbalanýyna basa nazar aýdarylǵan bolatyn. Bizdiń búgin talqylap otyrǵan qaýlymyz osy máselege oraı kúshine engeli otyr», dedi dırektordyń orynbasary.
Onyń sózine qaraǵanda, jańa talap boıynsha qurǵaq sútten óndirilgen ónimniń birinshi betinde «sút» degen jazýmen qatar tap osyndaı shrıftpen «qurǵaq sútten qalpyna keltirilgen» degen jazý bolady. ıAǵnı tutynýshy ónimniń qalaı ázirlengendigin birden kóre alady. Nemese turǵyndar qurǵaq sút pen tabıǵı sútti shatastyrmaıtyn bolady. Osy arqyly biz tutynýshylardyń ózi tutynyp otyrǵan ónim jaıly shynaıy aqparat alýdaǵy zańdy quqynyń saqtalýyna yqpal etip otyrmyz. Ekinshiden, biz tabıǵı sútke suranysty arttyryp, ózimizdiń sút óndirýshilerge qoldaý kórsetip otyrmyz. Sebebi qurǵaq sút kóbine syrttan ákelinedi. Al qaısysy qurǵaq, qaısysy tabıǵı sút ekenin ańǵarmaǵan jurt onyń qolǵa túskenin ala beredi. Nátıjesinde sheteldik qurǵaq súttiń ótimdiligi otandyq, tabıǵı súttiń ótimimen birdeı bolady. Al bul degenińiz otandyq ekonomıkany emes sheteldiń ekonomıkasyn qoldaý», dedi Sh.Ahmetov.