Tamyzda jumyssyz júrgenderge usynylǵan eń joǵary jalaqy 3 mln teńge boldy

Tamyzda bos jumys ornyna usynylǵan eń joǵary jalaqy 3 mln teńge boldy, dep habarlaıdy QazAqparat tilshisi.

«2023 jyldyń tamyzynda jumys berýshler hh.kz saıtyna túrli baǵyttarda 50 myńnan astam bos jumys ornyn jarııalady. Bul shilde aıyna qaraǵanda - 7, al 2022 jyldyń tamyzymen salystyrǵanda 36 paıyzǵa kóp. Osy jyldyń tamyzyndaǵy bos jumys oryndaryna usynylyp otyrǵan ortasha arıfmetıkalyq jalaqy mólsheri salyqty qosa alǵanda 312 myń teńgeni, medıandyq ortasha jalaqy salyǵymen birge 252 myń teńgeni qurady», - delingen jumys izdeýge arnalǵan hh.kz portaly taratqan málimette.

Tamyzdaǵy eń qymbat jumys oryndary mynadaı:

- Almatyda kommertsııalyq dırektor. Qolǵa usynylǵan jalaqy - 1 mln 100 myń teńge men 3 mln teńge aralyǵy.

- Almatydy korpýsty jıhaz dızaıneri-jobalaýshysy. Qolǵa usynylǵan jalaqy - 1,5 mln teńgege deıin.

- Almatyda koll-ortalyq jetekshisi. Qolǵa usynylǵan jalaqy - 400 myń men 1 mln teńge aralyǵy.

- Almatyda DevOps-ınjeneri. Usynylǵan jalaqy - 500 myń teńge.

Qazaqstan qalalary ishinde tamyzda Almaty (elimiz boıynsha barlyq bos jumys ornynyń 40 paıyzy), odan keıin Astanada bos jumys oryndary kóp usynylǵan.

Sonymen qatar paıyzǵa shaqqanda Taraz, Qyzylorda, Taldyqorǵan, Qostanaı qalalarynda da bos jumys oryndarynyń artqany baıqalady.

Al aı saıynǵy eń tómengi ósim Atyraýda tirkelip otyr.