Tamyzda elimizde josparly medıtsınalyq kómek kórsetý jumystary jandanady - QSZI
Onyń pikirinshe, 5 shildeden engizilgen Qazaqstandaǵy ekinshi karantın sharalary jáne Qazaqstan Respýblıkasynyń Prezıdenti Qasym-Jomart Toqaevtyń 10 shildedegi QR Úkimetiniń keńeıtilgen otyrysynda bergen naqty tapsyrmalarynyń nátıjesinde eldegi pandemııaǵa baılanysty kúrdeli sanıtarlyq-epıdemıologııalyq jaǵdaıdy birshama turaqtandyrýǵa múmkindik týdy.
Qazirgi tańda COVID-19 juqtyrýdyń kúndelikti ósimi 4% 2,1% deıin azaıdy. Sonymen qatar koronavırýstan emdelip shyqqandardyń sany 63 % artty. Bul óz kezeginde kezeń-kezeńimen indet jaǵdaıynyń tómendeý qarqynyn kórsetedi.
«Degenmen karantın sharalaryn áli de qatań saqtaý qajet, sebebi COVID-19 álem boıynsha órship tur, naýqastar sany 16 mln. asty. Densaýlyq saqtaý mınıstrliginiń jáne basqa da tıisti memlekettik organdardyń jumysyn birizdendirý jáne júıelendirý barysynda medınıtsalyq betperdelerdiń baǵasy tómendedi, medıtsına salasy qyzmetkerleriniń jeke qorǵanys quraldarynyń rezervi qyrkúıekke deıin qamtamasyz etildi, PTR testileri qosymsha satyp alyndy. Sondaı-aq test qabyldaıtyn zerthanalardyń ótkizý qýaty ulǵaıdy. Osy baǵytta 59 memlekettik jáne jeke zerthana kúnine 32 myń test qabyldaýda. 1 qyrkúıekke deıin bul mejeni 64 myńǵa jetkizý josparlanyp otyr. Bul jumysqa QR Aýyl sharýashylyǵy mınıstrligine qarasty zerthanalar da belsendi tartylýda»,-deıdi Ásel Nazarbetova Facebook paraqshasynda.
Onyń pikirinshe, osy qabyldanǵan keshendi sharalar medıtsınalyq kómektiń sapasyn arttyryp, ıaǵnı medıtsına salasy qyzmetkerleriniń júktemesin birshama tómendetýge qolaıly jaǵdaılar týdyrdy. Eldegi epıdemılogııalyq ahýaldyń turaqtanýy medıtsınalyq kómekke zárý azamattarǵa emhanalardyń qoljetimdiligin qamtamasyz etti. Provızorlyq jáne ınfektsııalyq statsıonardaǵy gaýqastar sany 40% azaıǵan. Memleket basshysynyń tapsyrmasyna sáıkes COVID-19 jáne pnevmonııamen aýyrǵan naýqastarǵa arnalǵan tósek oryn qory 30,4 myńnan 52,1 myńǵa ósti.
Budan bólek óńirlerde alǵashqy medıtsınalyq-sanıtarlyq kómek kórsetetin 3 399 mobıldi top jasaqtaldy, onyń 1 693 aýyldyq jerlerde, óńirlerde arnaıy dári-dármektiń turaqtandyrý qorlary qalyptasty, dárilik zattardy sertıfıkattaý rásimderi de jeńildetildi.
«Aıta ketetin jaıt, tamyzdan bastap medıtsınalyq mekemelerde turǵyndarǵa josparly medıtsınalyq kómek kórsetý jumystary jandanady. Munyń bári halyqtyń densaýlyǵyn qorǵaýǵa, elimizdiń qaýipsizdigin qamtamasyz etýge baǵyttalǵan jumystar. Osy baǵytta azamattyq qoǵamnyń belsendiligin, árbir azamattyń jaýapkershiligin aıta ketken jón»,-deıdi ǵalym.