Tamyz aıyndaǵy UBT aıaqtaldy: Shekti baldy talapkerlerdiń 54% jınady
19 myńǵa jýyq túlektiń 69% qazaq tilinde, 31% jýyǵy orys tilinde, 0,1% aǵylshyn tilinde testileýden ótti.
Aıta keteıik, tamyzdaǵy UBT sertıfıkatymen talapkerler joǵary oqý oryndaryna aqyly negizde oqýǵa túse alady.
Testileý qorytyndysy boıynsha 10 myń talapker shekti ball jınaı aldy, Bul – qatysýshylardyń jalpy sanynyń shamamen 54% quraıdy. UBT ortasha baly 58 baldy qurady. Eń joǵary ball – 128.
UBT ótkizý barysynda 118 qatysýshynyń nátıjesi joıyldy. Onyń ishinde 39 azamat smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyrylǵan. Qalǵan 79 adam testileý kezinde erejelerdi buzyp, aýdıtorııadan shyǵarylǵan. Olardyń da test nátıjesi joıyldy.
«Talapkerlerdiń tańdaýy ózgerissiz qalyp tur. Barlyq qatysýshylardyń 21% «matematıka-fızıka» kombınatsııasyn, 20% «hımııa-bıologııa» kombınatsııasyn tańdaǵan. «Hımııa-Fızıka» pánder kombınatsııasyn tek 39 talapker tapsyrdy», – dedi QR ǴJB Ulttyq testileý ortalyǵynyń dırektory Rýslan Emelbaev.
Eske salaıyq, testileý qorytyndysymen kelispegen talapker apellıatsııaǵa elektrondy formatta ótinish bere alady. Tamyzda UBT tapsyrǵandardan apellıatsııaǵa 2 myńnan astam ótinish túsken. Olardyń ishinde 2 test tapsyrmasy qanaǵattandyryldy. Respýblıkalyq apellıatsııalyq komıssııa jumysyn aıaqtady, talapkerlerdiń sertıfıkattary jeke kabınette qoljetimdi.
Tamyz aıyndaǵy UBT shekti ball jınaı almaǵan talapkerlerdiń testileýden qaıta ótip, JOO-ǵa aqyly negizde túsý múmkindigi bolýy úshin ótkiziledi. Sonymen qatar JOO-da aqyly negizde óz mamandyǵy boıynsha oqýdy jalǵastyrýdy josparlap otyrǵan kolledj túlekteri oqýǵa áńgimelesý qorytyndysy boıynsha qabyldanady.