Tamyz aıynda Túrkistanda alma aǵashy gúldedi
Alma aǵashynyń gúldep turǵan sýretin áleýmettik jelige Ǵanı Nazarbek esimdi qoǵam belsendisi júktedi.
Onyń aıtýynsha, Túrkistan qalasyndaǵy «joldyń asty» atalyp ketken móltek aýdanda ornalasqan jeke turǵyn úıdegi jemis aǵashy bıyl ekinshi ret gúl ashqan. Alǵashqy jemisin bergen alma aǵashy, araǵa az ǵana ýaqyt salyp, ekinshi ret gúldegen.
«Jaratylystaný» ǵylymı-zertteý ınstıtýtynyń dırektory Nuǵman Aralbaı bul - sýptorpıkalyq óńirlerde bolyp turatyn jaǵdaı ekenin aıtady.
«Bul alma aǵashynyń tuqymy Ózbekstan, Tájikstan, tipti Iran memleketinen alyp kelingen bolýy múmkin. Sondyqtan jyly aımaqta qaıta gúldep jatyr. Jaqynda Almaty qalasynda da alma aǵashynyń ekinshi ret gúldegenin esittim» - deıdi ol.
Al, jelide jarııalanǵan jazbaǵa pikir bildirýshiler, tabıǵattyń tosyn syıyna tańdanys bildirýde. Olardyń ishinde «Tabıǵattyń qudireti, jaqsylyqqa baǵalaıyq!», «Osy qubylysqa ne sebep eken?» - degen jazbalar bar.