Tamyz aıynda Qazaqstanda aýa raıy qandaı bolady
Atmosferalyq fronttardyń ótýimen qysqa merzimdi jańbyrlar kútiledi. Eldiń shyǵysynda naızaǵaı, burshaq, ekpini 15-25 m/s jetetin jel boljanady. Soltústik aımaqtarda túnde jáne tańerteń tuman bolýy múmkin.
Aıdyń basynda, eldiń soltústik jartysyndaǵy salqyn aýa raıy, soltústik sýyq antıtsıklonnyń áserimen baılanysty bolady. Túnde termometr baǵany +7+15°S, kúndiz +17+22°S deıin túsetin bolady.
Alaıda, birinshi onkúndiktiń sońynda sýyq antıtsıklon el aýmaǵynan yǵysyp, soltústik óńirlerge ońtústik tsıklon keledi. Onymen jyly aýa massalary shyǵarylyp, aýa temperatýrasy túnde +18 +23°S, kúndiz +25 +33°S-qa deıin kóteriledi.
Ońtústik jáne ońtústik-shyǵys óńirlerde birinshi onkúndik ishinde temperatýralyq fon birtindep joǵarylaıdy dep kútiledi: túnde +15 +20°S-tan +20 +25°S-qa deıin, kúndiz +25 +32°S-tan +33 +40°S-qa deıin.
«Alaıda, aıdyń ortasynda respýblıkanyń soltústik jartysyna qaıtadan sýyq aýa massalary túsedi, bul aýa raıynyń qubylmaly sıpatyna ákeledi. Degenmen, sýyq uzaqqa sozylmaıdy. Aýa temperatýrasy túnde +10 +18°S-tan +18 +25°S-qa deıin, kúndiz +17 +22°S-tan +25 +30°s-qa deıin aýytqıdy.
Al ońtústik óńirlerde aýa temperatýrasynyń negizgi aıasy +28 +38°S-ty quraıdy, biraq jekelegen kúnderi jylýdyń tómendeýi boljanady», - delingen sınoptıkter málimetinde.
Usynylǵan aýa raıy boljamyna sáıkes, jazdyń sońǵy kúnderi kún sýytady.
«Arktıkalyq teńizderdiń aýdandarynan sýyq aýa massalarynyń kirýi, Qazaqstannyń basym bóliginde temperatýralyq fonnyń eleýli tómendeýine alyp keledi. Eldiń soltústik jartysynda túnde aýa temperatýrasy +2 +12°S-qa deıin (jekelegen aýdandarda úsikke deıin tómendeıdi), kúndiz +15 +20°S-qa deıin tómendeıdi. Eldi ońtústik jartysynda aýa baǵamy túnde +10 +15°S, kúndiz +20 +27°S gradýs kórsetedi», - dedi Qazgıdrometten.