Tamyz aıynda benzın baǵasynyń qymbattaýy kútilmeıdi - Munaı jáne gaz mınıstri
«Kóp áńgime bolyp júrgen baǵa máselesine kelsek, 1 tamyzda elimizde benzın men dızeldik otyn baǵasy kóterilmeıdi, aıdyń aıaǵyna deıin sol qalpynda turady dep oılaımyz. Jalpy, janar-jaǵarmaı baǵasyna qatysty talqylaýlar aı saıyn oryn alyp turady. Aǵymdaǵy jyldyń qańtar aıynan bastap benzın baǵasyn talqylaý bastalǵan, ol jalǵasyp keledi ári vedomstvoaralyq komıssııa otyrystarynda, bizdiń mınıstrlikte de, basqa májilisterde, Tabıǵı monopolııalardy retteý agenttiginde, Úkimette de osy máseleler aıtylady. Endeshe benzın máselesi talqylanǵan saıyn onyń baǵasy kóterilýi múmkin degen sózdi bildirmeıdi», - dedi U. Qarabalın.
Sonymen bir mezgilde mınıstr búgingi kúni Qazaqstandaǵy benzın baǵasy elimiz shekaralasatyn memleketterge qaraǵanda, Reseı, Qytaı, Ózbekstan, Qyrǵyzstanǵa qaraǵanda tómen ekenin atap ótti.