Tamyz sammıti: 1500 pedagog marapattaldy

<p>ASTANA. KAZINFORM &ndash; Tamyz sammıti aıasynda kásibı jetistikterimen jáne oqýshylarynyń joǵary kórsetkishterimen erekshelengen úzdik pedagogter, sheberler, zertteýshiler, bilim salasynyń damýyna úles qosqan bilim berý isiniń ardagerleri marapattaldy.&nbsp;&nbsp;</p>

Oqý-aǵartý mınıstri Ǵanı Beısembaev muǵalimniń bilim berý men bala tárbıesindegi aıryqsha rólin jáne olardyń eńbegi men jetistikteriniń mańyzyn atap ótti. 

Foto: Soltan Jeksenbekov/ Kazinform

«Memleket bilim berý salasyn damytý men pedagogterimizdiń eńbegin laıyqty baǵalaýǵa asa mán beredi. Sizderdiń eńbekterińiz ólsheýsiz, sondyqtan biz bilim men tárbıe berý arqyly elimizdiń bolashaǵynyń qalyptasýyna janashyrlyq tanytqan ustazdarǵa qaı ýaqytta da jan-jaqty qoldaý kórsetýge ázirmiz», - dedi Ǵanı Beısembaev Nazarbaev ýnıversıtetinde ótken Tamyz sammıtinde.

Vedomstvolyq nagradalar tamyz sammıtiniń aıasynda, sondaı-aq óńirlerde ótken tamyz konferentsııalary kezinde tapsyrylǵan bolatyn. 

Foto: Soltan Jeksenbekov/ Kazinform

Osylaısha, «Eńbek ardageri» medalimen 257 pedagog, «Ybyraı Altynsarın» tósbelgisimen 264 pedagog, «Bilim berý isiniń qurmetti qyzmetkeri» tósbelgisimen 265 pedagog marapattaldy. Sondaı-aq 149 pedagogke Oqý-aǵartý mınıstriniń Qurmet gramotasy, 517 pedagogke vedomstvolyq gramotalar men Alǵys hattar tapsyryldy. 

Foto: Soltan Jeksenbekov/ Kazinform

Eske sala keteıik, 15 tamyzdan bastap elimizdiń barlyq óńirinde dástúrli tamyz keńesteri ótti. Búgin elordada Nazarbaev ýnıversıtetiniń (NU) bazasynda ótken basty respýblıkalyq sammıtke 500 myńnan astam pedagog qatysty. Sammıt «Digital Kazakhstan: zamanaýı bilim berý» taqyrybymen bilim berý salasyn tsıfrlandyrý, oqý protsesine jasandy ıntellektti engizý máselelerin qamtydy.