Tamara Dúısenova Vera Brejnevamen kezdesti

ASTANA. QazAqparat - Búgin QR Densaýlyq saqtaý jáne áleýmettik damý mınıstri Tamara Dúısenova AITV/JITS jónindegi BUU Birlesken baǵdarlamasynyń Shyǵys Eýropa jáne Ortalyq Azııa elderi boıynsha Іzgi nıet elshisi, ánshi, aktrısa jáne telejúrgizýshi Vera Brejnevamen kezdesti, dep habarlady mzsr.gov.kz.

Kezdesýde atap ótilgendeı, Qazaqstan Shyǵys Eýropa jáne Ortalyq Azııa elderi ishinde AITV-ınvektsııasy az taraǵan elderdiń qataryna jatqyzylady. Qazirgi ýaqytta respýblıkada AITV-ınfektsııasy boıynsha epıdemıologııalyq ahýal turaqty. El azamattary arasynda AITV-ınfektsııasynyń taralý kólemi 0,168% quraıdy. Respýblıkada osy kezge deıin el azamattary arasynda 22109 AITV-ınfektsııasy jaǵdaıy tirkeldi. Jyl saıyn turǵyndardyń 10%-dan astamy tekserilip, AITV-ınfektsııasyn anyqtaýǵa baǵyttalǵan 2 mln.-nan astam test júrgiziledi. Halyqaralyq usynystarǵa sáıkes elimizde profılaktıka baǵdarlamalarynyń barlyq komponentteri - AITV boıynsha testileý jáne keńes berý, ART emdeý, shprıts almastyrý, músheqaptar men aqparattyq-bilim berý materıaldaryn taratý sharalary iske asyrylady. Qazaqstan AITV/JITS dertine shaldyqqan naýqastardy memleket esebinen emdeıtin (2009 jyldan) Ortalyq Azııadaǵy alǵashqy jáne jalǵyz memleket. Respýblıkada ıÝNEIDS uıymynyń Úshbirlikti qaǵıdalary: biregeı salalyq baǵdarlama, monıtorıngileý jáne baǵalaý júıesi jáne biregeı úılestirýshi tetik sátti iske asyrylýda. Ortalyq Azııada alǵash ret Qazaqstanda AITV-ınfektsııasy jaǵdaılaryn baqylaıtyn elektrondyq qor engizildi. Bul júıe júrgizilgen emniń ýaqyttylyǵy men sapasyn baqylaýǵa, eldegi epıdemıologııalyq jaǵdaıdy baqylaýǵa múmkindik beredi. Qazaqstanda AITV ınfektsııasynyń anadan balaǵa juǵýyna jol bermeý baǵytynda eleýli jetistikterge qol jetkizildi. Sońǵy jyldary mundaı birneshe jaǵdaı ózge elderden kelgen AITV ınfektsııasyn jurtyrǵan jáne ýaqytynda esepke turmaǵan júkti áıelder arasynda tirkeldi. Jalpy el boıynsha AITV dertin juqtyrǵan júkti áıelderdi profılaktıkalyq emdeý kólemi - 91,3%, balalardy qamtý - 97,3% jetti. Shyǵys Eýropa jáne Ortalyq Azııa elderi boıynsha ıÝNEIDS Іzgi nıet elshisi retinde Vera Brejneva AITV ınfektsııasyn juqtyrýdyń aldyn alý jóninde turǵyndardy aqparattandyrý deńgeıin arttyrýǵa baǵyttalǵan is-sharalarǵa qatysady. Ásirese, AITV dertin juqtyrǵan áıelderge jáne vırýstyń anadan balaǵa berilýiniń aldyn alý, olardy bólý jáne alalaýdy tómendetýge erekshe kóńil bóledi.