Tamara Dúısenova tórt kúndik jumys aptasyna qatysty pikir bildirdi

ASTANA. QazAqparat – QR Eńbek jáne halyqty áleýmettik qorǵaý mınıstri Tamara Dúısenova tórt kúndik jumys aptasyna kóshýge pikir bildirdi, dep habarlaıdy QazAqparat tilshisi.

«Búginde bul tájirıbe bar. Pandemııa kezinde jumystyń ereksheligine baılanysty bireý tórt kún, bireý bes, bireý alty kún jumys istedi. Eń bastysy, jalaqy esepteletin saǵattyń normatıvin joǵaltpaýymyz kerek», - dedi Tamara Dúısenova Ortalyq kommýnıkatsııalar qyzmetinde ótken baspasóz máslıhatynda.

Eńbek mınıstriniń aıtýynsha, eńbekaqy normatıvin qamtamasyz etý mańyzdy.

«Sondyqtan biz arnaıy ıkemdi jumys rejımin kórsettik, buǵan tyıym salynbaıdy. Eńbekaqy normatıvin qamtamasyz etýge bolady jáne etý de kerek, ıaǵnı eń tómengi jalaqydan tómen bolmaýy qajet. Ekinshisi –jalaqy tómendemeýi úshin saǵat normatıvi qajet. Sondyqtan, bul adamdarǵa yńǵaıly jumys isteýge múmkindik beretin ıkemdi ádisterdiń biri. Qazir platformalyq jumyspen qamtý osy másele boıynsha jarqyn mysal bola alady», - dedi mınıstr.

Buǵan deıin bul máseleni QazAqparat tilshisi kóterip, keler jyldan bastap jumys berýshi men qyzmetker arasyndaǵy kelisim negizinde 4 kúndik jumys aptasyna kóshýge ruqsat berilýi múmkin ekendigi týraly jazǵan bolatyn.

Foto: ortcom.kz