Tamara Dúısenova sheteldik ýnıversıtettermen áriptestik ornatý Qazaqstanǵa ne beretinin aıtty

<p>ASTANA. KAZINFORM &ndash; Premer-mınıstrdiń orynbasary Tamara Dúısenova Astanada ótip jatqan &laquo;Connested-2024&raquo; halyqaralyq konferentsııasynda biraqat sheteldik ýnıversıtetpen áriptestikten memleket ne kútip otyrǵanyn aıtty.&nbsp;</p>

«Memleket basshysynyń tapsyrmasyna sáıkes elimizge shetel oqý oryndaryn tartý isi júrgizilýde. Qazirdiń ózinde 23 sheteldik ýnıversıtet ártúrli formatta jumysyn bastap ketti. Osy múmkindikti paıdalana otyryp, strategııalyq áriptesterimizge Úkimettiń atynan erekshe alǵysymdy bildiremin», - dep bastady ol.

Vıtse-premer atalǵan áriptestiktiń úsh negizgi maqsaty bar ekenin atady.

«Birinshisi – halyqaralyq standarttarǵa saı oqý baǵdarlamasyn meńgergen, eńbek naryǵy suranysyna ıe joǵary bilikti kadrlardy daıyndaý;
Ekinshi – oqý baǵdarlamalary men oqytý tehnologııalarynyń ozyq úlgilerin transfertteý;
Úshinshi – ǵylym jáne ınnovatsııalardy damytý.
«Jumyla kótergen júk jeńil» degen sóz bar. Ózara tıimdi jumys istep, aldymyzǵa qoıǵan maqsatymyzǵa birge jetemiz dep sanaımyn», - dedi Tamara Dúısenova.

Aıta keteıik, elordada álemniń 60 elinen halyqaralyq deńgeıdegi 300 sarapshynyń qatysýymen ǵylym-bilim, ınnovatsııa, tsıfrlandyrý jáne ekologııa máselelerine arnalǵan halyqaralyq konferentsııa ótip jatyr.