Tamara Dúısenova shahterlerdiń zeınetke shyǵý jasyn tómendetýge qatysty pikir bildirdi

ASTANA. QazAqparat – Búgin Senatta QR Eńbek jáne halyqty áleýmettik qorǵaý mınıstri Tamara Dúısenova kenshilerdiń zeınetke shyǵý jasyn tómendetýge qatysty jumys tobynyń usynystary boıynsha pikir bildirdi, dep habarlaıdy QazAqparat tilshisi.

«Bul turǵyda tek kenshilerdi ǵana emes, sonymen birge zııandy eńbek jaǵdaıynda jumys isteıtin jumysshylardy da zeınetaqymen qamtamasyz etýdi jalpy qamtyǵan jón. Biz bul máseleni kótersek, ol taý-ken metallýrgııa kesheninde jáne basqa da salalarda jumys isteıtin azamattardyń basqa sanattaryna da qatysty bolady. Qazirgi kezde jumys toby osy salalarǵa qatysty jumysyn aıaqtap, naqty usynystar daıyndady. Qazir bul usynystar Úkimettiń tıisti qarjy-ekonomıkalyq blogynda qaralyp jatyr. Bizdiń usynystarymyzdy qarastyrý is-sharalary aıaqtalǵannan keıin, osy sanattaǵy jumyskerlerdi zeınetaqymen qamtamasyz etýdi qarastyratyn óz nusqalarymyzdy tanystyrýǵa daıyn bolamyz», - dedi T. Dúısenova senatorlardyń suraǵyna jaýap bere otyryp.

Budan buryn habarlanǵandaı, búgin Senatta mınıstr zeınetaqy júıesi salasyndaǵy ózgerister týraly aıtty.