Tamara Dúısenova medıtsınalyq kómek sapasy jaıly: Olqylyqtar bar, moıyndaımyz

<p>ASTANA. KAZINFORM — Bıyl elimizdiń óńirlerinde alǵashqy medtsınalyq kómek kórsetetin 321 nysan salynyp jatyr. Bul týraly Parlament palatalarynyń birlesken otyrysynda Premer-Mınıstrdiń orynbasary Tamara Dúısenova aıtty.</p>

«Ult densaýlyǵy — óte ózekti másele. Sondyqtan bul másele esh ýaqytta Úkimettiń kúntártibinen túsken emes. Árıne, medıtsınalyq kómektiń sapasy, qoljetimdiligi, onyń azamattardyń kóńilinen shyǵýyna qatysty olqylyqtar bar. Ony moıyndaımyz. Biraq, Memleket basshysynyń tapsyrmalary aıasyna Úkimet qazir birneshe baǵytta jumys istep jatyr. Onyń biri ózderińizge belgili, ótken jyldan bastap aýyl turǵyndaryn sapaly medıtsınalyq qyzmetpen qamtamasyz etý úshin ulttyq joba bastaldy. Ótken jyly 92 nysan salsaq, búgingi tańda 321 nysannyń qurylysy bastalyp ketti», — dedi ol. 

Onyń atap ótýinshe, aldaǵy eki jyldyń ishinde 655 nysan aýyldaǵy azamattardyń ıgiligine beriledi. 

«Bul — tek qana alǵashqy medıtsınalyq qyzmet kórsetetin  ǵana emes, zamanaýı nysandar dep aıtsaq ta bolady. Onda tek nysannyń ózi ǵana emes, qajetti qurylǵylar da qarastyrylyp otyr», — dedi vıtse-premer.