Tamara Dúısenova áıelderdiń 58 jastan zeınetke shyǵýyna qatysty pikir bildirdi

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Tamara Dúısenova elimizde áıelderdiń zeınet jasyn tómendetý máselesiniń qaralyp jatqanyn málim etti, dep habarlaıdy QazAqparat tilshisi.

«Zeınetke shyǵý jasyn qysqartý boıynsha men buǵan deıin de birneshe ret suhbat berdim. 58 jasqa túsirýdi talap etip jatqan qoǵam belsendilerimen kezdestim. Qazirgi qoldanystaǵy zań boıynsha áıelder zeınetaqy jarnasy bolsa 52,5 jastan, al eger 5 balasy bolsa 53 jasynan zeınetke shyǵýy múmkin», - dedi Tamara Dúısenova «Qazaqstan» ulttyq telearnasynda bolǵan «Jedel jeli» baǵdarlamasynyń efırinde.

Sondaı-aq, mınıstr zeınetke erte shyǵýdy talap etýshilerge jaǵdaıdy taǵy da túsindirdi.

«Eger 58 jastan zeınetke shyǵamyn deýshiler bolsa, bilesizder, qazirgi tańda yntymaqtastyrylǵan júıeden tólenetin zeınetaqy kólemi azaıyp keledi. Sebebi eńbek ótilińiz az. Eger esh jerde jumys istemegen azamat bolsa, onyń zeınetaqysy 24 myń teńge bolady. Sondyqtan qazir bul máseleni qarastyryp jatyrmyz. ıAǵnı áıelderdiń zeınetke shyǵý jasyn tómendetip, eń az zeınetaqy alǵanymyz jón be? Álde onyń kólemin arttyrý mańyzdy ma?», - deıdi vedomstvo basshysy.

Aıta ketsek, buǵan deıin Tamara Dúısenova «ıAndeks Taksı» júrgizýshilerine áleýmettik jarna tólenetini týraly málimdegen edi.

Sondaı-aq, mınıstrliktiń josparyna sáıkes bıyl 8800 nysanda múgedek jandarǵa arnalǵan pandýs máselesi sheshilmek.