Tamara Dúısenova: Áleýmettik kodeks — TMD elderinde birinshi bolyp engizilgen birtutas áleýmettik qujat

<p>Áleýmettik kodeks &mdash; TMD elderinde eń birinshi bolyp engizilgen birtutas áleýmettik qujat. Bul týraly Jibek Joly telearnasynyń &laquo;Ýáde&raquo; baǵdarlamasyna suhbat bergen Premer-Mınıstrdiń orynbasary Tamara Dúısenova aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Áleýmettik kodeksti daıyndaý 2 jylǵa sozyldy. Birinshiden, Eńbek jáne halyqty áleýmettik qorǵaý mınıstrliginde úlken jumys toby 2 jyldyń ishinde ártúrli uıymdarmen, memlekettik organdarmen, halyqaralyq uıymdarmen úlken jumys istedi. Ekinshiden, Konstıtýtsııalyq zańǵa sáıkes Memleket basshysy tarapynan kóptegen bastama jasaldy. Onyń birazyn 2023 jyldyń 1 qańtarynan bastadyq. Al qalǵandary osy jyldyń 1 shildesinen bastap iske qosyldy. Májilis saılaý naýqanyna ketkendikten qujatty Senattyń qaraýyna engizdik. Senat jan-jaqty qarap qabyldady», — dedi vıtse-premer.

Jalpy, onyń paıymynsha, Áleýmettik kodeks — Qazaqstan ǵana emes, TMD elderinde eń birinshi bolyp engizilgen birtutas áleýmettik qujat dep aıtýǵa bolady.

«1964 jyly Eýropa elderinde Eýropalyq odaqtyń áleýmettik kodeksi qabyldanǵan. 21 memleket qana standarttaryn sol kodekske sáıkestendirgen. Qalǵan elder áli sol protsestiń ústinde. Bizde áleýmettik qamsyzdandyrý, eńbek normlary boıynsha 1 800-den astam zań bar edi. Qazir Áleýmettik kodeks elimizdegi barlyq áleýmettik zańdardy biriktirgen biregeı qujat sanalady», — dedi Tamara Dúısenova.