Tamara Dúısenova Áleýmettik kodeks jobasynyń jańalyǵyn atady

ASTANA. QazAqparat – Otbasynyń tsıfrlyq kartasy azamattarǵa memlekettik qoldaýdyń qandaı túrin alýǵa quqyly ekendigin jetkizip otyratyn elektrondyq jarshy quraly retinde qyzmet etedi. Bul týraly búgin Úkimet otyrysynda QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Jańa áleýmettik saıasat Memleket basshysy jarııalaǵan aýqymdy ózgeristerdiń jańa qyry sanalady. Onyń maqsaty - árbir otbasynyń ál-aýqatyn arttyryp, turmys sapasyn jaqsartý isiniń negizin qalyptastyrý, sonymen qatar osy maqsatqa jetý úshin memleket, bıznes jáne azamattar arasynda jańa áleýmettik kelisimshart jasaý. Bul ózgeristerdiń negizi nazarlaryńyzǵa usynylyp otyrǵan Áleýmettik kodeks jobasynda kórinis tapty. Áleýmettik kodeksti ázirleý barysynda halyqaralyq tájirıbe muqııat zerdelenip, Eýroodaqtyń Áleýmettik kodeksi basshylyqqa alyndy. Árıne, munda óz elimizdiń erekshelikteri de jan-jaqty eskerildi», - dedi ol.

Mınıstrdiń atap ótýinshe, kodekstiń jobasy 5 bólimnen, 19 taraýdan jáne 267 baptan turady.

«Kodekstiń birinshi jańalyǵy – Otbasynyń tsıfrlyq kartasy nemese elimizdegi otbasylardyń derbes derekqory. Bul derekqor memlekettik organdardyń qazirgi aqparattyq júıeleriniń derekteri negizinde qalyptastyrylyp jatyr. Ony engizýdegi negizgi maqsat - qazaqstandyqtardyń memlekettik qoldaý júıesine teń qoljetimdiligin qamtamasyz etý. Sondyqtan kodekste birinshiden Otbasylyq kartany memlekettik áleýmettik saıasattyń orta jáne uzaq merzimdi mindetteri men baǵyttaryn aıqyndaý quraly retinde belgiledik. ıAǵnı, memleket kimge, qashan, qandaı kómek qajettigin anyqtap qana qoımaı, áleýmettik táýekelderdiń aldyn alý sharalaryn qarastyrýǵa múmkindik alady. Ekinshiden, karta otbasylardyń nemese otbasy músheleriniń áleýmettik statýsyna jáne otbasylyq ál-aýqat dárejesine qarap, memlekettik qoldaýdyń qandaı túrin alýǵa quqyly ekendigin jetkizip otyratyn elektrondyq jarshy quraly retinde qyzmet etedi. Mundaı aqparat árbir otbasyna, ortalyq memleket tarapynan SMS-habarlama retinde jiberilmek. Úshinshiden, memlekettik qoldaý proaktıvti formatta júrgiziletin bolady. ıAǵnı, azamattarǵa áleýmettik tólemder jáne kómekter aqparat júıesinde bar derekterge negizdelip taǵaıyndalady», – dedi mınıstr.

Foto: gov.kz