Tálimdik jerlerde qurǵaqshylyq bolýy múmkin

<p>ASTANA. KAZINFORM &ndash; Tálimdik jerlerde qurǵaqshylyq bolýy múmkin. Bul týraly Sý resýrstary jáne ırrıgatsııa mınıstri Nurjan Nurjigitov aıtty.</p>

«Biz sýdy sýarmaly jerge beremiz. Ońtústik Qazaqstan oblysynda jınalǵan sý kólemi sýarmaly jerlerge kestemen berýge esh qaýip joq. Sýarylmaıtyn tálimdik jerler (tálimdik jer – sýarmaly eginshilik aýdandaryndaǵy egisti sýarmaı ósiretin jerler) bar. Eger Qazgıdromet sondaı boljam berse, onda tálimdik jerlerde qurǵaqshylyq bolýy múmkin», - dedi mınıstr Parlament palatalarynyń otyrysynan keıin.

Aıta keteıik, keshe Qazgıdromet Jambyl, Túrkistan, Qyzylorda, Almaty jáne Ulytaý oblystarynda qurǵaqshylyqqa baılanysty eskertý jarııalaǵan bolatyn.