Talıban Kabýldan evakýatsııalaýdy 31 tamyzǵa deıin aıaqtaýdy talap etti

NUR-SULTAN. Anadoly-QazAqparat – Talıban qozǵalysynyń ókili Zabıbýlla Mýdjahıd Aýǵanstannan evakýatsııalaý protsesi 31 tamyzǵa deıin aıaqtalýy tıis ekenin málimdedi. AQSh-pen jasalǵan kelisim boıynsha, atalǵan merzimge sheıin elden sońǵy amerıkandyq sarbaz ketýi tıis, dep habarlaıdy QazAqparat Anadoly agenttigine silteme jasap.

Kabýlda ótken baspasóz máslıhatynda tálipter ókili bul merzim aýystyrylmaıtynyn atap ótti.

Onyń aıtýynsha, Aýǵanstandaǵy jaǵdaı qalypqa kele jatyr, alaıda Kabýl áýejaıyndaǵy alasapyran el úshin problema bolyp otyr.

Mýdjahıd Kabýlda AQSh-tyń Ortalyq barlaý basqarmasynyń dırektory Ýılıam Bernstiń Talıban qozǵalysynyń kóshbasshysynyń biri Mýlla Ábdýlǵanı Bıradermen kezdesýi jaıynda esh aqparatty bilmeıtinin atap ótti.

Foto/ Anadoly