«Talıban» Aýǵanstanda jalpyǵa ortaq saılaý ótkizýdi kózdep otyr

KAIR. QazAqparat - Aýǵanstanda bılikti basyp alǵan radıkaldy «Talıban» qozǵalysy eldegi qalyń buqara toptarynyń qatysýymen jalpyǵa ortaq saılaý ótkizýdi josparlap otyr. Bul týraly QazAqparat Katardyń Al Jazeera telearnasyna silteme jasap habarlaıdy.

«Aýǵan qoǵamynyń keń aýqymyn qamtıtyn jalpyǵa ortaq saılaý ótkizý josparlanýda <...> Biz qalyq buqara toptaryn jáne talıban músheleri emes talantty adamdardy tartýǵa tyrysamyz», - degen «Aýǵanstan Islam Ámirligi» (tálipterdiń ataýy) Aqparat jáne mádenıet mınıstrligi ókiliniń sózin keltiredi telearna.

Seısenbide radıkaldar jarııalaǵan ýaqytsha úkimettiń quramy týraly aıtatyn bolsaq, oǵan negizinen pýshtýndar kirdi (eldegi eń úlken etnıkalyq top ókilderi). Degenmen atalǵan vedomstvo ókiliniń aıtýynsha, tálipter úshin mańyzdysy - mınıstrler kabıneti músheleriniń etnıkalyq shyǵý tegi emes, qabilettiligi.