Talǵat Júnisov aldyn ala qorytyndy boıynsha Aqmola oblysynan Senat depýtaty bolady
Aqmola oblysynan QR Parlamenti Senatynyń depýtattyǵyna úsh adam úmitker bolǵan. Saılaý Kókshetaý qalasyndaǵy «Bolashaq saraiy» saraıy ǵımaratynda ótti. Onda óńirdegi ár deńgeıdegi máslıhattardyń 233 depýtatynyń 219-y nemese 94 paıyzy daýys berdi, 14 túrli sebeptermen daýy berýge qatysa almady.
«Tańerteń daýys berýge arnalǵan jáshikti plombalaý rásimderi ótkizildi, jınalysta depýtattarǵa daýys berý tártibi túsindirildi. Saılaý zań aıasynda ótkizildi. Qazirgi kezde, tańdaý jasaý aıaqtaldy. Aldyn ala qorytyndy boıynsha Talǵat Júnisov eń kóp daýys (199) jınady. Sondaı-aq, A.Baltasheva 7 daýys, A.Sabıtova 6 daýys jınady. Al 7 adam bárine qarsy daýys berdi. Budan bólek, 17 bıýlleten paıdalanylmady», -dedi Aqmola oblysy boıynsha aýmaqtyq saılaý komıssııasynyń tóraǵasy Manarbek Sádýov.
Eske sala ketsek, budan buryn Aqmola oblysynda Senat depýtatyn saılaý bastalǵanyn jazǵan edik.
Foto:gov.kz