Talǵat Temenov: Bolashaǵamyz búgingi saılaýǵa baılanysty

NUR-SULTAN. QazAqparat – Bolashaǵamyz búgingi saılaýǵa baılanysty. QR Parlamenti saılaýyna qatysty pikir bildirgen kınorejısser, kınodramatýrg, Qazaqstannyń halyq ártisi Talǵat Temenov osylaı dep málimdedi, dep habarlaıdy QazAqparat tilshisi.

«HHІ ǵasyrdyń 21-shi jylyndaǵy saılaýǵa AQSh-tan kelgen nemeremdi ertip bardym. Ol AQSh-taǵy saılaýdy kórgen, biraq Qazaqstandaǵy saılaý barysymen tanys emes edi. Sondyqtan ony kórsin, bilsin degen maqsatta apardym.

Biz barǵan № 141 saılaý ýchaskesinde karantın talaptary tolyq saqtalǵan. Uıymdastyrýshylar aldymen kelýshilerdiń dene qyzýyn ólshep, barlyq qajetti saqtyq sharalaryn jasap jatyr. El erge, er elge senim artqan ýaqytta úkili úmit artyp tańdaý jasadym. Óıtkeni bolashaǵamyz búgingi saılaýǵa baılanysty. Sondyqtan jerimiz, tilimiz, dilimiz úshin daýys berdim», - dedi Talǵat Temenov.

Sonymen qatar, Qazaqstannyń halyq ártisi barsha qazaqstandyqtardy jarqyn bolshaq úshin tańdaý jasap, tıisti saılaý ýchaskesine baryp daýys berýge shaqyrdy.