Talǵat Óteǵulov «Atyraý» telearnasynyń dırektory bolyp taǵaıyndaldy

<p>&laquo;Qazaqstan&raquo; teleradıokorporatsııasy basqarma tóraıymynyń sheshimimen Talǵat Óteǵulov &laquo;Atyraý&raquo; telearnasynyń dırektory bolyp taǵaıyndaldy. Jańa dırektordy ujymǵa basqarma tóraıymynyń orynbasary Azamat Keńesuly tanystyrdy, dep habarlaıdy QazAqparat tilshisi.</p>

Talǵat Óteǵulovtyń jasy 44-te. Joǵary bilimi bar. H. Dosmuhamedov atyndaǵy Atyraý ýnıversıtetin jýrnalıstıka mamandyǵymen bitirgen.

Saladaǵy eńbek jolyn 2005 jyly «Qazaqstan» RTRK Aqtóbe fılıalynda jańalyqtar qyzmetiniń tilshisi, dıktor bolyp bastaǵan. Sodan soń «Habar» agenttiginiń Atyraý oblysyndaǵy menshikti tilshisi qyzmetin 6 jyl atqarǵan.

Atyraý oblysyndaǵy munaı-servıs kompanııalarynda qoǵammen baılanys bólimine jetekshilik etken. Birqatar prodakshn-stýdııalardy qurǵan. 2020 jyldan osy kezge deıin jergilikti Caspian News telearnasynyń prodıýseri bolǵan. Osy telearnada jańalyqtar qyzmeti men taqyryptyq bólimniń shef redaktory mindetin qosa atqaryp kelgen.

«Qazaqstan» RTRK Atyraý oblystyq fılıalyn 2022 jyldyń aqpanynan beri Gúlvıra Bekqulıeva basqarǵan edi. Ol atqaratyn qyzmetinen óz erkimen bosatý týraly ótinish bergen.
Eske sala ketelik, budan buryn Nurlybek Jeńisbekuly Atyraý oblysy ákimi apparatynyń basshysy bolǵanyn jazǵan edik. Ol eńbek jolyn 2006 jyly «Qazaqstan» telearnasynda tilshi bolyp bastaǵan. Ár jyldary oblystyq jáne respýblıkalyq telearnalarda redaktor, sarapshy qyzmetin atqarǵan.