Talǵat Qalıev: Ulttyq keńestiń kelesi otyrysyna naqty nátıjemen kelýimiz kerek

NUR-SULTAN. QazAqparat – Ulttyq qoǵamdyq senim keńesiniń kelesi otyrysyna naqty nátıjemen kelý úshin qazir jumys isteýimiz kerek. Ulttyq keńes múshesi QR Prezıdenti janyndaǵy Ortalyq kommýnıkatsııalar qyzmetiniń basshysy Talǵat Qalıev búgingi otyrystan keıin osylaı pikir bildirdi, dep habarlaıdy QazAqparat tilshisi.

«Búgin óte ózekti máseleler kóterildi. Barlyq jumys toby birdeı belsendi jumys júrgizdi. Munyń aldyndaǵy jumys toptarynyń basqosýynda talqylaýlar, dıskýssııalar óte qyzý ótken bolatyn. Kóptegen konsensýsqa daýys berý arqyly keldik. Máselen, biz saılaý týraly, partııa týraly zańǵa ózgeris engizý baǵytynda jumys júrgizbekpiz. Bári de partııany tirkeý jumysyn jeńildetýdi maquldap otyr. Qol jınaý isinde tártip ornatý kerek. Sebebi, qazirgi tsıfrlandyrý kezeńinde barlyǵynda ETsQ bar. Sol sekildi, bálkim, dál qazirgi ýaqytta aýdan ákimderin saılaý júıesine ótý kezeńi de kelip turǵandaı. Óıtkeni, olar qazirgi tańda halyqpen tikeleı jumys júrgizip, bıýdjetti baqylap otyr», - dedi Ulttyq keńestiń saıası reforma júrgizý blogyndaǵy Talǵat Qalıev.

Onyń aıtýynsha, BAQ týraly zańdy da lıberalızatsııalaý kerek.

«Sóz bostandyǵyn shektep, BAQ-tyń damýyna kedergi keltirip turǵan tetikterdi joıǵymyz keledi. Bálkim, depýtattardyń qatysýymen belgili bir jaýapty mınıstrliktiń janynan qandaı da bir jumys toby qurylýy múmkin. ıAǵnı, ol jumys toby naqty biz ataǵan zańǵa ózgeris engizý jumystaryn talqylaıdy. Bir sózben aıtqanda, kelesi otyrysqa naqty bir nátıjemen kelerlik jumys tyndyrylýy tıis», - dedi Talǵat Qalıev.

Eske sala ketsek, búgin elordada Ulttyq qoǵamdyq senim keńesiniń alǵashqy otyrysy ótti. Otyrysqa Qazaqstan Prezıdenti Qasym-Jomart Toqaev.