Talǵat Qalıev: Ulttyq keńeste jańa sapaly jobalar ázirlenetin bolady

NUR-SULTAN. QazAqparat - Ulttyq qoǵamdyq senim keńesinde jańa sapaly jobalar ázirlenetin bolady. Saıasattanýshy, «Jastar» ǵylymı-zertteý ortalyǵynyń dırektory Talǵat Qalıev osyndaı pikirde, dep habarlaıdy QazAqparat tilshisi.

«Ulttyq qoǵamdyq senim keńesi - Prezıdenttiń meılinshe qyzyqty bastamasy. Óıtkeni, qalyń buqaraǵa taraǵan áleýmettik narazylyq bılik pen qoǵam arasyndaǵy áleýmettik kelisim normalaryn jańǵyrtý qajettigin kórsetti. Bul normalardy qoǵamnyń búkil qajettilikterin eskere otyryp jasap shyǵý qajet, bul kún tártibindegi jańa ózekti másele. Jalpy, bul problema tek Qazaqstanda ǵana baıqalyp otyrǵan joq. Búgingi tańda memleket pen qoǵam arasyndaǵy ózara qatynastardyń formatyn qaıta qaraý máselesi álemniń kóptegen elderinde ózekti bolyp otyr. Sondyqtan bul másele búginde ózekti ári asa qajet. Onyń ústine, Keńes quramyna jastar, tanymal qoǵam qaıratkerleri, oıshyl qaýym ókilderi kiretini aıtyldy», - deıdi T. Qalıev.

Onyń aıtýynsha, Keńeste óte qyzyqty ári ótkir pikirtalastar bolady, olar barlyq áleýmettik toptardy qanaǵattandyratyn arqyly jańa sapaly jobalar ázirlenedi.