Talǵat Qalıev: Endigi Úkimet Prezıdent tapsyrmalaryn bitpeıtin jınalystarǵa kómip tastamaýy kerek

ASTANA. QazAqparat - Prezıdent Nursultan Nazarbaevtyń «Nur Otan» partııasynyń kezekti XVIII sezinde júktegen tapsyrmalary ınfraqurylymǵa jáne óńirlerdi keshendi damytýǵa erekshe nazar aýdara otyryp, áleýmettik baǵdardy tańdaǵan memlekettiń baǵytyn aıqyndaı túsedi. QazAqparat tilshisine bergen suhbatynda belgili saıasattanýshy Talǵat Qalıev osylaı dep oıyn bildirdi, dep habarlaıdy QazAqparat tilshisi.

«Prezıdent tapsyrmasyna saı, ásirese shaǵyn qalashyqtar men iri qalalarymyzdyń shet aımaqtaryna nazardyń aýdarylýy erekshe qýantady. Dál osyndaı jerde halyqtyń áleýmettik turǵyda az qorǵalǵan toptary shoǵyrlanǵany belgili. Halyqtyń ómir súrý deńgeıin jaqsartý jumysynyń mańyzy óte zor. Budan basqa, mańyzdy sheshimderdiń biri retinde - ekinshi jartyjyldyqtan bastap memlekettik qyzmetkerlerdiń jalaqysyn 30 paıyzǵa arttyrý bastamasyn atap óter edim. Ásirese muǵalimder men dárigerlerdiń aılyǵyn ósirý isi - adamı kapıtalǵa salynǵan jaǵymdy ınvestıtsııa bolyp tabylady. Bul baǵyttaǵy bastama óz jemisin bereri anyq», - deıdi Talǵat Qalıev.

Saıasattanýshynyń aıtýyna qaraǵanda, ınfraqurylym, gazben jáne sýmen jabdyqtaý, joldar - bul ómirdiń sapasyn jaqsartýmen qatar jaǵymdy mýltıplıkatıvtik áserin tıgizýi tıis.

«Kóptegen jumys oryndary ashylyp, el bop eńbek etkennen keıin tutynýshylardyń suranysy arta túsedi. ıAǵnı, halyqtyń satyp alý qabileti artyp, shaǵyn jáne orta bıznestegi, ekonomıkanyń barlyq sektorlaryndaǵy ósimdi qamtamasyz etedi. Jańa Úkimet osynaý barlyq nusqaýlardy sheksiz jınalystar men esep berý jıyndaryna kómip tastamaı, naqty jaǵdaılardy kórýge múmkindik beretin ındıkatorlardy qalaı damytý kerektigin úırený kerek», - deıdi saıasattanýshy.

Talǵat Qalıevtiń pikirine qulaq assaq, barlyq baǵdarlamalardyń oryndalýyna monıtorıng júrgizýdiń qalyptan tys amaly qajet.

«Sebebi, bizde ádemi kórsetkishter jáne shynaıy adamdardyń ómiri degen eki álemniń qalyptasyp qalǵany ótirik emes. Sharýa oń ózgeristerge, ómir sapasyna qatysty bolýy kerek. Tamaq toly tońazytqyshtan bólek, halyqty durys joldar, turaqty qoǵam, mańaıynda jumys isteıtin adamdardyń bolýy, turmystaǵy jaılylyq sekildi sharýalar tolǵandyrady. Bul óte kúrdeli mindet, biraq oǵan qol jetkizýge ábden bolady», - deıdi saıasattanýshy.

Aıta ketsek, búgin elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen «Nur Otan» partııasynyń kezekti XVIII sezi ótti. Jıynda Memleket basshysy halyqty qoldaýǵa arnalǵan birshama áleýmettik bastamalar týraly sóz qozǵaǵan bolatyn.