Talǵat Qalıev: Ata-babalarymyz evolıýtsııany jasaýshylar bolǵan
«Qazaqstan Prezıdentiniń tereń ári kólemdi tarıhı zerttemelerdi iske qosý bastamasy onyń myqty saıası ıntýıtsııasy men áleýmettik tilek sezimin kýálandyrýdyń kezekti mysaly boldy. Qazaqstandyq aýdıtorııanyń arasynda tarıhı taqyrypqa pikirtalastar jıi júrgizilip keledi. Alaıda kóptegen jaǵdaıda olardyń tereńdigi keńestik zamandy baǵalaý, mıllıondaǵan adamnyń ómirin áketken asharshylyq sebepterin bolshevıkterden kórý, jońǵar shapqynshylyǵy kezeńin talqylaýmen shekteledi», - dedi óziniń Telegram-arnasynda Talǵat Qalıev.
Onyń aıtýynsha, búkil tarıh ulttyq tragedııa men kúızelis prızmasy arqyly baǵalanyp otyr. Nursultan Nazarbaev bul máselege jaýap retinde áleýmettik tilekke ǵana jaýap berip qoımaı, basqamen salystyrýǵa bolmaıtyn aýqymdy kezeńdi qamtýdy usynǵan sapaly jańa kún tártibin shyǵardy.
«Ol buqaralyq kóńil-kúıdi qalyptastyrý jáne jalpy qoǵamdyq vektordy qalyptastyrý turǵysynan alǵanda erekshe mańyzǵa ıe. Eger burynǵy paradıgmada tarıhqa jeńilis taýyp, kúızeliske ushyraǵan, ıaǵnı negatıvtik kózqaras sezilse, ony tereń zertteý jáne tarıhı kókjıekterdi keńeıtý kezinde túbegeıli ózgeshe uǵyný, baǵalaýdyń pozıtıvti vektoryn qalyptastyrý múmkindikteri ashylady. Jeńister men jetistikterdi, tehnologııalyq damý deńgeıin, órkenıetti damytýdaǵy rólin baǵalaýǵa oryn beriledi. Bizdiń ata-babalarymyz mádenı, ıntellektýaldy jáne tehnologııalyq evolıýtsııadan tys qalǵan emes, olar sol evolıýtsııaǵa eleýli úles qosyp, ony jasaýshylar bolǵan», - dep atap ótti sarapshy.
Ol osyndaı pozıtsııanyń ulttyq sana-sezimdi qalyptastyrýdaǵy úlken rólin atap ótti.
«Bul kózqaras turǵysynan atalǵan maqala - Qoǵamdyq sanany jańǵyrtý baǵdarlamasynyń úılesimdi jalǵasy, sebebi ótkendi uǵyný tolyqqandy ultty qalyptastyrý úshin mańyzdy jaǵdaılardyń biri bolyp tabylady. Ony iske asyrý jolynda biz qazirgi álemde áıgili bolyp tabylatyn tarıhty mıftendirý, faktilerdi emotsııalyq jáne popýlıstik túsindirý jolymen júrmeı, tereń ǵylymı zertteýlerge, myqty arhıv, tereń bilimdi qalyptastyrýǵa júgingenimiz qýantady», - dedi T.Qalıev.
Onyń pikirinshe, Memleket basshysy bul bastamany el Prezıdenti retinde emes, Ult kóshbasshysy retinde kóterip otyr.
"Ol osy statýsqa (mártebege) ınstıtýttyq nemese saıası mán emes, qazirgi urpaqty júıeli tarıhı protseske engize otyryp, myńjyldyqtar kókjıegindegi urpaq jalǵastyǵyn qalyptastyrar fılosofııalyq-adamgershilik mańyz beredi", - dep oı túıdi saıasattanýshy.